Adán Martín

Na Galipedia, a Wikipedia en galego.
Saltar ata a navegación Saltar á procura
Adán Martín
Adanmartin.jpg
Nacemento19 de outubro de 1943
 Santa Cruz de Tenerife
Falecemento10 de outubro de 2010
 Barcelona
Causacancro
NacionalidadeEspaña
Ocupaciónpolítico
editar datos en Wikidata ]

Adán Pablo Martín Menis, nado en Santa Cruz de Tenerife o 19 de outubro de 1943, e finado en Barcelona o 10 de outubro de 2010, foi un político canario, Presidente do Goberno das Canarias dende xullo de 2003 até 2007.[1]

Traxectoria[editar | editar a fonte]

Naceu en Santa Cruz de Tenerife. Estudou enxeñaría industrial en Barcelona e logo de rematar a súa carreira diplomouse en ciencias empresariais por ESAE e o Instituto Balear de Dirección Empresarial. Tras isto, traballou durante dous anos para Chrysler en Inglaterra (Reino Unido).

Iniciou a súa actividade política en 1979 nas eleccións municipais democráticas, onde saíu elixido concelleira por Santa Cruz de Tenerife. Foi tenente de alcalde do Concello de Santa Cruz de Tenerife (1979-1987), onde fundou a Agrupación Tinerfeña de Independentes. Entre 1981 e 1982 foi membro da Xunta de Canarias, onde foi Conselleiro de Industria e Enerxía. Trala aprobación do Estatuto de Autonomía das Canarias foi Conselleiro de Obras Públicas do Goberno das Canarias. Foi presidente do Cabido de Tenerife (1987-1999) e deputado pola provincia de Santa Cruz de Tenerife (1993-1996), vicepresidente do Goberno das Canarias e conselleiro de Economía e Facenda (1999-2003).

En 2003, saíu elixido deputado autonómico nas eleccións autonómicas, onde encabezou a lista por Tenerife da formación nacionalista Coalición Canaria, e foi nomeado polo parlamentarios Presidente do Goberno das Canarias, manténdose no cargo até a súa retirada en xullo de 2007. Salientou na súa xestión a mellora das condicións das illas e as denominadas rexións ultraperiféricas da Unión Europea, mellorou as directrices de ordenación territorial de Canarias e impulsou un novo estatuto de autonomía que quedou paralizado debido á fragmentación política nas illas.

Morte[editar | editar a fonte]

Faleceu ás 4:00 horas do día 10 de outubro de 2010 nun hospital de Barcelona por mor dun cancro que combateu durante doce anos.

Notas[editar | editar a fonte]

  1. Fallece Adán Martín Menis, expresidente del Gobierno de Canarias, El País, 10 de outubro de 2010, consultado o mesmo día.
Traído desde "https://gl.wikipedia.org/w/index.php?title=Adán_Martín&oldid=4979439"