Daniel Carballo Codesido

Na Galipedia, a Wikipedia en galego.
Saltar ata a navegación Saltar á procura
Daniel Carballo Codesido
A Coruña - Jardín de Méndez Núñez - Monumento a Daniel Carballo 3.JPG
Nacemento14 de marzo de 1824
 A Coruña
Falecemento29 de decembro de 1889
 Madrid
NacionalidadeEspaña
Ocupaciónxornalista, escritor e político
editar datos en Wikidata ]

Daniel Carballo Codesido, marqués de Barbanzón, nado na Coruña o 14 de marzo de 1824 e finado en Madrid o 29 de decembro de 1889[1], foi un escritor, xornalista e político galego.

Traxectoria[editar | editar a fonte]

Fai os primeiros estudos na Coruña e despois foi estudar leis á Universidade de Santiago de Compostela. En 1846 instalouse en Madrid, dedicándose ao xornalismo. Foi redactor do Boletín Oficial del Ministerio de Comercio e do periódico El Fomento e director do periódico madrileño La Nación. Militou na Unión Liberal, foi elixido deputado polo distrito da Coruña en 1854 e 1858, polo distrito de Xinzo de Limia en 1865, novamente polo da Coruña en 1869, polo de Betanzos en 1871 e 1872 e polo distrito de Ortigueira en 1876 e 1879. Foi director xeral de Sanidade (1865) Gobernador civil de Madrid, Director Xeral de Facenda e das Minas de Río Tinto en Huelva.

Vida persoal[editar | editar a fonte]

Casou con Luisa de Prat, marquesa de Barbançon.

Recoñecementos[editar | editar a fonte]

Polos logros obtidos para a cidade da Coruña, a Reunión Recreativa e Instructiva de Artesanos presidida por José Soto González construíulle un monumento nos Xardíns de Méndez Núñez da autoría de Agustín Querol, que se inaugurou o 30 de agosto de 1896.

Notas[editar | editar a fonte]

  1. Necrolóxica en La Correspondencia de España, 4-1-1890, p. 4.

Véxase tamén[editar | editar a fonte]

Bibliografía[editar | editar a fonte]

Ligazóns externas[editar | editar a fonte]

Traído desde "https://gl.wikipedia.org/w/index.php?title=Daniel_Carballo_Codesido&oldid=4711967"