Inés Rey

Na Galipedia, a Wikipedia en galego.
Saltar ata a navegación Saltar á procura
Inés Rey

Escudo de A Coruña.svg
Alcaldesa da Coruña
15 de xuño de 2019 – actualidade
Precedido por Xulio Ferreiro

Datos persoais
Nacemento 11 de xullo de 1982 (37 anos)
A Coruña, Galicia Galicia
Partido PSdeG-PSOE
Profesión Avogada e política
Twitter @inesreygarcia

Inés Rey García, nada na Coruña o 11 de xullo de 1982, é unha avogada e política galega militante do PSdeG. Dende o 15 de xuño de 2019 é a alcaldesa da Coruña, sendo a primeira muller na democracia que ostenta ese cargo.[1]

Traxectoria[editar | editar a fonte]

É licenciada en dereito pola Universidade da Coruña, carreira na que tivo como profesor de Dereito procesal ao seu antecesor na alcaldía, Xulio Ferreiro. Exerceu de avogada na súa cidade natal e é nai de dous fillos.

Militante das Xuventudes Socialistas de Galicia[2] e do PSdeG, nas eleccións xerais de 2011 foi como número 2 da lista do partido ao Senado, por detrás do alcalde saínte Javier Losada, pero non foi escollida senadora.

En 2018 presentou a súa candidatura ás primarias do seu partido para obtar á alcaldía da Coruña, xunto con José Manuel García, Rafael Arangüena e Juan Ignacio Borrego. Na primeira volta foi a segunda candidata máis votada con 96 sufraxios, por detrás de José Manuel García que obtivo 143.[3] Así e todo, na segunda volta que se celebrou o 25 de novembro de 2018 quedou de primeira, con 215 votos fronte aos 178 do outro candidato, encabezando así a lista do PSdeG nas eleccións municipais de 2019 na súa cidade.[4]

Nas eleccións, celebradas o 26 de maio de 2019, o PSdeG foi a segunda forza máis votada no concello da Coruña con 9 concelleiros, quedando a 399 votos do PPdeG de Beatriz Mato, que foi a primeira forza tamén con 9 concelleiros.[5] Non obstante, Inés Rey foi investida alcaldesa da cidade o 15 de xuño de 2019, grazas ao apoio dos 6 concelleiros da Marea Atlántica e os 2 do BNG.[6]

Notas[editar | editar a fonte]


Predecesor:
Xulio Ferreiro
 Escudo de A Coruña.svg
Alcaldesa da Coruña
 
2019 – actualidade
Sucesor:
No cargo
Traído desde "https://gl.wikipedia.org/w/index.php?title=Inés_Rey&oldid=5180174"