María Dolores de Cospedal

Na Galipedia, a Wikipedia en galego.
Saltar ata a navegación Saltar á procura
María Dolores de Cospedal
María Dolores de Cospedal García 2017b (cropped).jpg
Nome completoMaría Dolores de Cospedal García
Nacemento13 de decembro de 1965
 Madrid
NacionalidadeEspaña
Relixióncatolicismo
Alma máterUniversidade San Pablo CEU
Ocupaciónpolítica e avogada
CónxuxeIgnacio López del Hierro
PremiosGran Cruz da Orde de Isabel a Católica e Gran Cruz da Orden de Carlos lll
editar datos en Wikidata ]

María Dolores de Cospedal García, nada en Madrid o 13 de decembro de 1965, é unha xurista e política española, secretaria xeral do Partido Popular e presidenta do Partido Popular de Castela-A Mancha. Foi presidenta da Xunta de Comunidades de Castela-A Mancha entre 2011 e 2015, e ministra de Defensa entre 2016 e 2018.

Traxectoria[editar | editar a fonte]

Con 26 anos, ingresou por oposición no corpo de avogados do Estado.[1] Foi a avogada do Estado máis xove.[2]

María Dolores de Cospedal foi a candidata polo Partido Popular (PP) nas eleccións de 2007 á presidencia da comunidade autónoma de Castela-A Mancha, quedando o seu grupo parlamentario na oposición tras os referidos comicios autonómicos e locais, aínda que despois de lograr unha mellora considerable con respecto aos anteriores comicios.

Posteriormente, nas eleccións de 2011, conseguiu o 48,13% dos votos, levando o Partido Popular de Castela-A Mancha á maioría absoluta. Por primeira vez na historia da democracia, o PP lograba gobernar a Xunta de Comunidades de Castela-A Mancha da que foi presidente José Bono dende 1983 ata 2004 e José María Barreda ata 2011.

Nas eleccións de 2015, volveu ser a forza máis votada co 37,49% dos votos, quedándose a un escano da maioría absoluta. A pesar da vitoria, un pacto entre o Partido Socialista e Podemos desbancouna do goberno rexional.

O 3 de novembro de 2016 foi nomeada ministra de Defensa por Mariano Rajoy. Ocupou o cargo ata o 7 de xuño de 2018, logo de prosperar a moción de censura contra Mariano Rajoy.

Notas[editar | editar a fonte]

  1. "María Dolores de Cospedal: la abogada que quiso ser Rajoy, nueva ministra de Defensa". ABC (xornal) (en castelán). 3-11-2016. Consultado o 11-2-2018. 
  2. Antonio Jiménez Barca, Luis Gómez (6-7-2008). "Y llegó Cospedal". El País (en castelán). Consultado o 25-3-2018. 
Traído desde "https://gl.wikipedia.org/w/index.php?title=María_Dolores_de_Cospedal&oldid=5144350"