Plaza de Oriente

Na Galipedia, a Wikipedia en galego.
Saltar ata a navegación Saltar á procura
Zona occidental da praza, coa estatua de Filipe IV e o Palacio Real.

A Plaza de Oriente está situada no centro histórico da cidade española de Madrid. Trátase dunha praza rectangular de cabeceira curvada, de carácter monumental, cuxo trazado definitivo responde a un deseño de 1844 de Narciso Pascual y Colomer, herdeiro de varios proxectos anteriores. Un dos seus principais impulsores foi o rei Xosé I, quen ordenou a demolición das casas medievais situadas na zona.

Está presidida por dous dos edificios máis relevantes da capital: na cara occidental atópase o Palacio Real e na oriental o Teatro Real. A súa cara norte confórmaa o Real Mosteiro da Encarnación, ao que lle foi expropiado o Horto da Priora para integralo dentro da praza.

Ademais dos citados edificios, esta praza monumental alberga diferentes xardíns histórico-artísticos e unha colección escultórica, na que destaca especialmente a escultura de Filipe IV, obra do século XVII de Pietro Tacca. Está considerada como a primeira estatua ecuestre do mundo suxeitada unicamente polas patas traseiras do cabalo.

Coordenadas: 40°25′6.02″N 3°42′45.31″O / 40.4183389, -3.7125861

Traído desde "https://gl.wikipedia.org/w/index.php?title=Plaza_de_Oriente&oldid=3833668"