Praza.gal

Na Galipedia, a Wikipedia en galego.
(Redirixido desde "Praza Pública")
Saltar ata a navegación Saltar á procura

praza.gal
O xornal da Galicia que vén
Praza-gal.svg
TipoDixital
Fundación1 de febreiro de 2012
Empresa editoraFundación Praza Pública
DirectorDavid Lombao
TendenciaProgresista
Linguagalego
LocalidadeA Coruña
ÁmbitoGalicia
Na rede
Web
Twitter @prazapublica
Facebook

Praza.gal[1] é un xornal dixital en galego que comezou a editarse o 1 de febreiro de 2012[2]. Actualmente é o segundo diario dixital de información xeral en galego por audiencia, detrás de Galicia Confidencial[3].

Traxectoria[editar | editar a fonte]

Equipo de Praza.gal
Miguel Pardo
Miguel Pardo

É editado pola Fundación Praza Pública, entidade sen ánimo de lucro declarada de interese público[4] e cuxo financiamento depende das achegas periódicas ou puntuais da cidadanía e da publicidade inserida no xornal. Foi presentado o 31 de xaneiro de 2012 no Museo do Pobo Galego en Santiago de Compostela expoñendo nese acto a base da súa liña editorial, a transparencia, tanto na xestión económica coma na informativa[2].

O xornal desenvólvese usando unicamente software libre e o 8 de febreiro do 2012 liberou todo o código fonte das ferramentas para a súa creación e soporte, algunhas delas desenvolvidas pola empresa galega A navalla suíza e outras xa existentes na rede.[5]

No seu inicio, o traballo xornalístico remunerado corría a cargo de tres persoas: Marcos Pérez Pena, David Lombao e máis Lara Graña. Tras a marcha de Lara Graña incorporouse ao equipo o xornalista Miguel Pardo.

Difunde anualmente informes de transparencia sobre a súa situación organizativa, social, económica e de audiencia, mostrando os datos económicos desagregados por ingresos e gastos de cada mes.[6]

En decembro de 2018 lanzou a reformulación do seu deseño, coa creación dunha área privada para as socias e edicións locais das sete cidades. Nese momento tamén se estreou baixo a súa plataforma a revista dixital Vinte.

Redes sociais e comunidade[editar | editar a fonte]

Pola licenza libre que usan, CC BY-SA, moitas das imaxes que publica poden reutilizarse, coma esta das protestas leiteiras do 2015.

Desde a súa creación, o diario Praza.gal apostou polas redes sociais. Así, en marzo de 2018 a súa comunidade ascendía a máis de 40.000 persoas entre Facebook, Twitter e YouTube. Na portada mantén a sección Fálase de..., dedicada a compartir mensaxes curtas de noticias de última hora, vídeos, fotografías ou noticias de medios asociados como eldiario.es, Nós televisión ou outros.

Notas[editar | editar a fonte]

  1. Fundación Praza Pública
  2. 2,02,1 Ponse en marcha Praza Pública apostando por dous conceptos clave: a transparencia e a lingua galega
  3. "Top 50 de webs en galego". Código Cero. Consultado o 08/03/2018. 
  4. "Achegas - Que sustenta Praza?". Consultado o 08/03/2018. É unha fundación sen ánimo de lucro [...]. Constituíuse en maio de 2012 está rexistrada como fundación de interese galego. 
  5. "O código fonte de Praza, liberado". Arquivado dende o orixinal o 11 de febreiro de 2012. Consultado o 09 de febreiro de 2012. 
  6. Informes de transparencia en Praza.gal

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]

Traído desde "https://gl.wikipedia.org/w/index.php?title=Praza.gal&oldid=5121875"